Очиқ риносептопластика

Нарх сўров бўйича

Очиқ ринопластика умумий наркоз остида амалга оширилади. Операциядан олдин бемор жарроҳ белгилаган таҳлилларни топшириши керак. Очиқ усулнинг асосий афзаллиги — жарроҳ операция вақтида буруннинг барча тузилмаларини тўлиқ кўра олади. Бунинг учун бурун тешиклари орасидаги колумелла соҳасида кичик кесма қилинади, кейин ҳар бир бурун тешигининг ички қисмига кичик кесма давом эттирилади. Жарроҳ терини тоғай каркасидан ажратиб, буруннинг тоғай ва суяк қисмларини батафсил кўради ва керакли шаклни беради. Операция давомида тоғай ёки суяк қисмларини олиб ташлаш, жойини ўзгартириш ёки зарур бўлса махсус бурун имплантларини ўрнатиш мумкин. Операция охирида кесилган жойлар нозик чоклар билан тикилади. Бурун ичига силикон сплинтлар қўйилади, термопласт қўйилади ва у кейинги куни олиб ташланади. Қаттиқ гипсли боғлам эса одатда 14-куни шифокор томонидан олинади. Очиқ усулда вақтинча кўриниб турадиган кесма асосан колумелла соҳасида бўлади. Вақт ўтиши билан чандиқ оқариб, бир неча ой ичида камроқ сезиладиган ҳолатга келади.